لاہور:پاکستان تحریک انصاف کے رہنما فواد چوہدری کو وفاقی وزیر برائے ریلوے سعد رفیق نے بے بنیاد الزامات لگانے کی بناءپر 5 ارب روپے ہرجانے کا نوٹس بھجوادیا ہے۔
تفصیلات کے مطابق سماجی رابطے کی ویب سائٹ ٹوئٹر پر پیغام جاری کرتے ہوئے خواجہ سعد رفیق نے کہا کہ فوادچودھری نے 22فروری کوجھوٹے الزامات لگائے،پی ٹی آئی رہنما قوم کے سامنے غیرمشروط معافی مانگیں،اگر فواد چودھری نے 14 دن میں معافی نہ مانگی توقانونی چارہ جوئی کا حق رکھتا ہوں ۔
915c3c16803d8339aa5226575d5ba249
وفاقی وزیر کا مزید کہنا تھا کہ فواد چودھری کو میڈیا ٹاک میں جھوٹے الزامات لگانے پر پانچ ارب روپے ہرجانے کا نوٹس بھجوا دیا ہے۔خواجہ سعد رفیق نے مزید لکھا کہ فواد چودھری ! اپنے الزامات ثابت کرو یا معافی مانگو۔ یا عدالت میں ہتک عزت کے دعویٰ کا سامناکرو۔
آئین پاکستان ہر شخص کو اپنی عزت اور ساکھ کی حفاظت کی ضمانت دیتا ہے کسی شخص کو حق نہیں کہ قانونی وجہ کے بغیر کسی کے بارے ہتک آمیز بیانات دے۔
067cc99500f69aba8657b7a37e6709c51f588ddc6de57e0eaa2172a08c713e78
