ڈھاکہ : بنگلہ دیش میں ہائی جیکنگ کی کوشش پر مسافر جہاز کی ایمرجنسی لینڈنگ ، سیکیورٹی فورسز نے ملزم کو گرفتار کر لیا ۔
تفصیلات کے مطابق بیمان ائیر لائن کی فلائٹ بی جی 147 ڈھاکہ سے دبئی کے لیے روانہ ہوئی تو ٹیک آف کے فوری بعد ایک مسافر نے جہاز کے کاک پٹ میں گھسنے کی کوشش کی اور مسافروں کو بتایا کہ اس کے پاس دھماکہ خیز مواد اور بندوق ہے۔
مسافر کے اس اعلان کے بعد مسافروں میں خوف و ہراس پھیل گیا اور اکثر نے خوف سے رونا شروع کر دیا ، پائلٹ نے جہاز کا کاک پٹ کھولنے سے انکار کر دیا اور جہاز کو فوری طور پر ایمرجنسی لینڈنگ کرائی ۔
Bangladeshi forces stormed a passenger jet in the country's southeast on Sunday and shot dead an armed man who attempted to hijack the plane.
— Al Jazeera English (@AJEnglish) February 25, 2019
Police later said the man was carrying a toy gun. pic.twitter.com/d0WaPdO8o7
جہاز کے ائیرپورٹ پر اترتے ہی سیکیورٹی فورسز نے اس کو گھیرے میں لے لیا اور ہائی جیکر کو سرنڈر کرنے کیلئے کہا جس نے ایسا کرنے سے انکار کر دیا ۔
سیکیورٹی فورسز نے کارروائی کرتے ہوئے ہائی جیکر کو حراست میں لیا تو اس سے کھلونا بندوق برآمد ہوئی جبکہ اس سے کوئی دھماکہ خیز مواد برآمد نہیں ہوا۔
طیارے میں موجود تمام ایک سو چوالیس مسافروں کو بحفاظت دوسرے طیارے میں دبئی روانہ کر دیا گیا ۔