جھوٹے الزامات کی بدولت 40 سالہ مالی ریکارڈ تلاش کر لیا، عمران خان

جھوٹے الزامات کی بدولت 40 سالہ مالی ریکارڈ تلاش کر لیا، عمران خان

اسلام آباد: پاکستان تحریک انصاف کے چیئرمین عمران خان کا کہنا ہے کہ میں نے احتساب کے لیے خود کو قوم کے سامنے پیش کر دیا جب کہ احتساب کے اسی عمل نے شریف خاندان کے مالیاتی جرائم بے نقاب کیے۔


سماجی رابطے کی سائٹ ٹوئٹر پر چیئرمین تحریک انصاف عمران خان کا کہنا تھا کہ شریف خاندان اور ان کے ملازمین کے الزامات پر ان کا شکر گزار ہوں انہیں الزامات کی بدولت میں نے اپنا 40 سالہ مالیاتی ریکارڈ نکالا۔

ادھر رہنما تحریک انصاف فواد چودھری نے عمران خان کیخلاف کیس کو" ردی کی ٹوکری "قرار دے دیا۔ کہتے ہیں کمائی حلال کی ہو تو جعلی دستاویزات اور قطری خط کی ضرورت نہیں پڑتی عمران خان نے تمام منی ٹریل دے دی۔ نعیم الحق کا کہنا ہے کہ عمران خان نے ڈھائی، ڈھائی ہزار اور پانچ، پانچ ہزار روپے تک کا حساب دیا ان کا قصور صرف یہ ہے کہ انہوں نے پاناما کا معاملہ کیوں اٹھایا۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں