آئیفا ایوارڈ 2018: عرفان خان اور سری دیوی بہترین اداکار قرار

آئیفا ایوارڈ 2018: عرفان خان اور سری دیوی بہترین اداکار قرار

image by facebook

ممبئی :بالی وڈ کے دوسرے سب سے بڑے آئیفا ایوارڈ میں فلم ’ہندی میڈیم‘ کے لیے عرفان خان کو بہترین اداکاری اور فلم ’مام‘ کے لیے آنجہانی سری دیوی کو بہترین اداکارہ کا ایوارڈ دیا گیا۔


19 ویں انٹرنیشنل انڈین فلم اکیڈمی ایوارڈ(آئیفا) کی تقریب گزشتہ روز تھائی لینڈ کے شہر بینکاک میں ہوئی جس میں انیل کپور، رشی کپور سمیت شوبز انڈسٹری سے تعلق رکھنے والی شخصیات نے شرکت کی۔

 

ایوارڈ شو کی میزبانی کے فرائض ہدایت کار کرن جوہر اور اداکار رتیش دیش مکھ نے انجام دیئے جب کہ تقریب کو اداکارہ ریکھا، رنبیر کپور، ارجن کپور ، شردھا کپور، کیریتی سنن اور بوبی دیول نے پرفسارمنس دے کر چار چاند لگا دیئے۔

 

آئیفا ایوارڈ کا میلہ اس بار چھوٹے بجٹ کی فلموں نے لوٹ لیا ہے اور اداکارہ ودیا بالن کی ’تمہاری سلو‘ کو بہترین کا ایوارڈ دیا گیا ہے۔

 

فلم ’ہندی میڈیم‘ کے لیے عرفان خان کو بہترین اداکار جب کہ فلم ’مام‘ کے لیے آنجہانی سری دیوی کو بہترین اداکارہ کا ایوارڈ دیا جسے ان کے شوہر بونی کپور نے وصول کیا۔

 

فلم ’ہندی میڈیم‘ کے لیے سکیت چوہدری کو بہترین ہدایت کار قرار پائے جب کہ فلم ’مام‘ کے لیے نواز الدین صدیقی کو بہترین معاون اداکار اور فلم ’سیکرٹ سپر اسٹار‘ کے لیے مہر وج کو بہترین معاون اداکارہ کے ایوارڈ سے نواز گیا۔

 

آئیفا ایوارڈ میں فلم ’جب ہیری میٹ سیجل‘ کے گیت ’ہوائیں‘ کے گلوکار ارجیت سنگھ کو بہترین گلوکار جب کہ فلم ’سیکرٹ سپر اسٹار‘ کے گانے ’میں کون ہوں‘ کی گلوکارہ میگھنا مشرا کو بہترین گلوکارہ کا ایوارڈ دیا۔

 

بھارت کے دوسرے بڑے ایوارڈ شو میں ’اجے دیوگن کی فلم ’بادشاہو‘ میں استاد نصرت فتح علی خان کے ریمیکس گیت ’میرے رشک قمر‘ بہترین ’بول‘ قرار پائے۔