شرجیل میمن کی ضمانت منظور، نام ای سی ایل میں ڈالنے کا حکم

شرجیل میمن کی ضمانت منظور، نام ای سی ایل میں ڈالنے کا حکم
شرجیل میمن نے کرپشن کے نیب ریفرنس میں درخواست ضمانت دائر کی تھی۔۔۔۔۔۔فوٹو/ سوشل میڈیا

کراچی: سندھ ہائی کورٹ نے سابق وزیر اطلاعات سندھ شرجیل میمن کی پونے 6 ارب روپے کرپشن ریفرنس میں ضمانت منظور کرتے ہوئے اُن کا نام ایگزٹ کنٹرول لسٹ (ای سی ایل) میں ڈالنے کا حکم دیا ہے۔


شرجیل میمن نے کرپشن کے نیب ریفرنس میں درخواست ضمانت دائر کی تھی جس پر آج عدالت نے محفوظ کردہ فیصلہ سنا دیا۔

عدالت نے شرجیل میمن کو 50 لاکھ روپے مچلکے جمع کرانے کا حکم دیا اور اُن کا نام ای سی ایل میں شامل کرنے کا بھی حکم دیا۔

خیال رہے کہ اشتہارات کی مد میں قومی خزانے کو تقریباً پونے 6 ارب روپے کا نقصان پہنچانے کے ریفرنس میں دیگر 13 ملزمان جیل میں ہیں۔