جنرل (ر) راحیل شریف کو سعودی عسکری اتحاد کی اجازت دیدی گئی

اسلام آباد:  جنرل ( ر ) راحیل شریف  کے لیے بڑی خوشخبری  آ گئی ۔ جس چیز کا انتظار تھا حکومت نے اس کی اجازت دیدی ۔ پاکستانی حکومت  نے جنرل ( ر ) راحیل شریف کوسعودی عسکری اتحادکی سربراہی کی اجازت دےدی ہے۔

تفصیلات کے مطابق نجی ٹی وی  کے پروگرام میں گفتگو کرتے ہوئے وزیردفاع خواجہ آصف نے کہا کہ سابق آرمی چیف جنرل ( ر ) راحیل شریف کو سعودی عسکری اتحاد کی سربراہی کی اجازت کیلئے سعودی حکومت نے پاکستان سے تحریری اجازت مانگی تھی۔

خواجہ آصف کا کہنا تھا کہ پاکستان نے سعودی حکومت کو تحریری طور پرآگاہ کردیا ہے کہ پاکستان کو اس معاملے پر کوئی اعتراض نہیں ہے اور اس سے متعلق اب صرف رسمی کارروائی باقی ہے۔وزیردفاع کا مزید کہنا تھا کہ ہمیں ابھی تک جنرل ( ر ) راحیل شریف کی طرف کوئی درخواست موصول نہیں ہوئی ہے۔یاد رہے کہ سعودی عرب نے مسلم ممالک کی افواج کیلئے سابق آرمی چیف جنرل ( ر ) راحیل شریف کو قیادت کرنے کی پیشکش کی تھی۔