جیسنڈا آرڈرن کا حملے کی تحقیقات کیلئے رائل کمیشن بنانے کا اعلان

جیسنڈا آرڈرن کا حملے کی تحقیقات کیلئے رائل کمیشن بنانے کا اعلان
رائل کمیشن سنگین ترین واقعے پر بنایا جاتا ہے۔۔۔۔۔۔فائل فوٹو

کرائسسٹ چرچ: نیوزی لینڈ کی وزیراعظم جیسنڈا آرڈرن نے کرائسٹ چرچ واقعہ پر رائل کمیشن بنانے کا اعلان کر دیا۔


نیوزی لینڈ کی وزیراعظم جیسنڈا آرڈرن نے کابینہ کے اجلاس کے بعد میڈیا سے گفتگو کرتے ہوئے کہا کہ کرائسٹ چرچ واقعے پر رائل کمیشن بنانے کا فیصلہ کیا ہے۔ رائل کمیشن سنگین ترین واقعے پر بنایا جاتا ہے اور کرائسٹ چرچ واقعہ بھی سنگین ترین ہے۔

نیوزی لینڈ کی وزیراعظم نے کہا کہ لوگ پوچھ رہے ہیں کہ کرائسٹ چرچ حملہ کیسے ہوا۔ حملے میں سوشل میڈیا اور ایجنسیوں کے کردار کا بھی پوچھا جا رہا ہے۔

دوسری جانب نیوزی لینڈ کی وزیراعظم نے آئندہ ہفتے چین کے دورے کا بھی اعلان کرتے ہوئے کہا کہ چین کے وزیراعظم اور صدر سے ملاقات کروں گی جب کہ چین میں نیوزی لینڈ کے سفارت خانے کا بھی افتتاح کیا جائے گا۔