برطانیہ : مانچسٹر میں کنسرٹ میں ہونے والے بم دھماکے کے بعد پولیس اور سیکیورٹی سروسز کے چھاپوں کا سلسلہ جاری ہے۔ برطانوی سیکیورٹی اداروں کوان چھاپوں کے دوران مزید دھماکا خیز مواد ملا ہے ۔
برطانوی اخبار کا دعویٰ ہے کہ سیکیورٹی اداروں کو مزید دھماکا خیز مواد ملا، جسے برطانیہ میں مزید دھماکوں کے لیے استعمال کیا جاسکتا تھا۔ سیکیورٹی اداروں نے ملنے والی ایک ڈیوائس کو کنٹرول دھماکے سے تباہ کر کے ضائع کر دیا۔
سیکیورٹی اداروں نے خدشہ ظاہر کیا ہے کہ اس کے پیچھے کوئی نیٹ ورک ہو سکتا ہے، جو مستقبل میں مزید دھماکے کر سکتا ہےاور اس کے لیے مزید بم بھی بنا سکتا ہے۔
