بجلی کی قیمتوں میں مزید ایک روپے 86 پیسے اضافے کا امکان

بجلی کی قیمتوں میں مزید ایک روپے 86 پیسے اضافے کا امکان

اسلام آباد:تبدیلی سرکار نے عوام کو مزید بجلی کے جھٹکے دینے کی تیاری پکڑ لی ہے اور بجلی کے نرخوں میں ایک روپے 86 پیسے فی یونٹ اضافہ کیے جانے کا امکان ہے۔


تفصیلات کے مطابق بجلی کی قیمتوں میں اضافہ ایک ماہ کے لئے اگست کی فیول ایڈجسٹمنٹ کی مد میں کیا جائے گا۔سینٹرل پاور پرچیسنگ ایجنسی (سی پی پی اے) نے نیشنل الیکٹرک پاور ریگولیٹری اتھارٹی (نیپرا) میں درخواست جمع کرادی ہے۔

نرخوں میں اضافے کا فیصلہ دو اکتوبر کو کیا جائے گا۔اگست میں پانی سے 40.33 فیصد اور کوئلے سے 13.34 فیصد بجلی پیدا کی گئی۔اسی طرح مقامی گیس سے 11.87 فیصد اور درآمدی ایل این جی سے 22.89 فیصد بجلی پیدا کی گئی۔

سی پی پی اے نے بتایا کہ فرنس آئل سے 3.60 فیصد اور ایٹمی ذرائع سے 4.66 فیصد بجلی پیدا کی گئی ہے۔