اسلم رئیسانی کیخلاف کرپشن ریفرنس دائر کرنے کی منظوری

اسلم رئیسانی کیخلاف کرپشن ریفرنس دائر کرنے کی منظوری
بدعنوان عناصر سے لوٹی گئی رقم برآمد کرنے کے لیے کوشاں ہیں، چیرمین نیب۔۔۔۔۔۔۔فوٹو/ سوشل میڈیا

اسلام آباد: چیئرمین نیب کی زیر صدارت ایگزیکٹیو بورڈ کے اہم اجلاس میں سابق وزیر اعلی بلوچستان اسلم رئیسانی کے خلاف کرپشن ریفرنس دائر کرنے کی منظوری دے دی گئی۔


اسلم رئیسانی کے خلاف ریفرنس آمدن سے زائد اثاثے رکھنے اور کرپشن پر دائر کیا جائے گا۔ اجلاس سے خطاب میں چیرمین نیب نے کہا کہ بدعنوانی ایک ناسور ہے جو ملکی ترقی میں بڑی رکاوٹ ہے اور بدعنوان عناصر سے لوٹی گئی رقم برآمد کرنے کے لیے کوشاں ہیں۔ ان کا مزید کہنا تھا کہ کرپشن کی شکایات، انکوائریز اور نوسٹی گیشنز کو مقررہ وقت کے اندر منطقی انجام تک پہنچایا جائے۔

جسٹس ریٹائرڈ جاوید اقبال نے کہا کہ نیب بیوروکریسی کی خدمات کو قدر کی نگاہ سے دیکھتا ہے۔ نیب بیوروکریسی سمیت تمام افراد کا احترام یقینی بنانے کی پالیسی پر عمل پیرا ہے۔