خواجہ آصف کی تاحیات نااہلی کے بعد مریم نواز کا رد عمل بھی سامنے آ گیا

خواجہ آصف کی تاحیات نااہلی کے بعد مریم نواز کا رد عمل بھی سامنے آ گیا
فوٹو فائل

اسلام آباد: خواجہ آصف کی اسلام آباد ہائی کورٹ کی جانب سے تاحیات نااہلی کے بعد مریم نواز کا رد عمل بھی سامنے آ گیا ہے۔ اپنے ٹوئٹر ہینڈل پر انہوں نے ٹویٹ کرتے ہوئے کہا کہ'' جس کا ووٹ کے میدان میں مقابلہ نہیں کر سکتے اس کو فکسڈ میچ میں نا اہل کرا دو مگر یاد رکھو! عوام اب خواجہ آصف کے سائے کو بھی ووٹ دےگی انشاءاللہ “۔


خیال رہے کہ اسلام آباد ہائیکورٹ کے تین رکنی لارجر بینچ نے وزیر خارجہ خواجہ آصف کو یو اے ای کا اقامہ رکھنے پر آئین کے آرٹیکل 62 ون ایف کے تحت غیر صادق اور غیر امین قرار دیتے ہوئے تاحیات نا اہل قرار دیا ہے۔جسٹس اطہر من اللہ نے خواجہ آصف کی نااہلی سے متعلق فیصلہ پڑھ کر سنایا۔ فیصلے کے مطابق  خواجہ آصف کو آئین کے آرٹیکل 62 ون ایف کے تحت تاحیات نااہل قرار دیا گیا ہے جس کے بعد ان کی قومی اسمبلی کی رکنیت بھی ختم ہو گئی۔عدالت عالیہ نے فیصلے کی مصدقہ کاپی الیکشن کمیشن کو بھجوانے کا حکم بھی دیا جس کے بعد خواجہ آصف کو ڈی سیٹ کرنے کا نوٹیفکیشن جاری کیا جائے گا۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں