میاں چنوں میں دست درازی پر جعلی پیر کی تاریخی چھترول

میاں چنوں میں دست درازی پر جعلی پیر کی تاریخی چھترول

میاں چنوں: ایک اور جعلی پیر اپنی نازیبا حرکات کی وجہ سے خواتین کے ہتھے چڑھ گیا ٗ شدید چھترول کے بعد ٹانگ بھی ٹوٹ گئی


تفصیلات کے مطابق ملک بھر میں اب جعلی پیروں فقیروں کیخلاف عوام میں آگاہی بڑھتی جا رہی ہے اور اب آئے روز ایسے واقعات سامنے آرہے ہیں جن میں جعلی پیروں کی چھترول ہو رہی ہے۔ آج میاں چنوں میں بھی ایسا ہی واقعہ پیش آیا جب ایک خاتون جعلی پیر کے پاس بچے کی گمشدگی کا تعویز لینے گئی تو پیر صاحب نے فرمایا کہ اپنے ساتھ ایک 15سال کی لڑکی لاؤ جس کے بعد میں عمل کر کے تعویذ بنا دوں گا۔

جب وہ خاتون 15سال کی لڑکی لیکر آج اس پیر کے پاس گئی تو پیر اسے الگ کمرے میں لے گیا ٗ اس کی آنکھوں پر پٹی باندھ لی اور نازیبا حرکت کرنے کی کوشش کی تو اس لڑکی نے شور مچا دیا جس کے بعد وہ خاتون اندر گئی اور شور کی آواز سن کر لوگ بھی اکٹھے ہو گئے جس کے بعد اس پیر کی چھترول شروع ہوئی جس سے بچنے کیلئے اس پیر نے پہلی منزل سے چھلانگ لگا دی جس سے اس کی ٹانگ ٹوٹ گئی۔

خواتین نے نیچے آکر بھی اس کی جان نہ چھوڑی اور اس کی چھترول جاری رکھی جس کے بعد جعلی پیر کی جان پولیس نے بچائی اور اسے گرفتار کر کے تھانے لے گئی۔