دنیا کا بلند ترین شیشے کا پل عوام کیلئے کھول دیا گیا

 دنیا کا بلند ترین شیشے کا پل عوام کیلئے کھول دیا گیا

بیجنگ: چین کے دارالحکومت کے قریب بنائے جانے والے دنیا کے بلند ترین شیشے کے پل کو عوام کے لیے کھول دیا گیا ہے۔شیشے کے اس پل کی لمبائی 488 میٹر اور چوڑائی 2 میٹر ہے یعنی اگر اتنی بلند عمارت تعمیر کی جائے تو یہ 66 منزلہ عمارت ہوگی ۔اس پل کو بنانے میں 1077 شفاف شیشے استعمال کیے گئے ہیں جن کی موٹائی 4 سینٹری میٹرک ٹن ہے۔


اس پل کی دلچسپ بات یہ ہے کہ یہ ہلکا ہلکا ہلتا بھی رہتا ہے کہ اکثر اس پر چلنے والے خوفزدہ ہوجاتے ہیں جب کہ دل کے کمزور لوگوں کو یہ ہدایت کی گئی ہے کہ وہ اس بلند ترین شیشیے کے پل کا رخ نا کریں۔

چینی خبررساں ویب سائٹ کی  ویڈیو کے مطابق اس پل کی پروجیکٹ انچارج کا کہنا ہے کہ ویسے تو یہ پل 2 ہزار افراد تک کا وزن برداشت کر سکتا ہے لیکن بر وقت بلند ترین پل پر صرف 500 افراد تک کا رہنا مناسب ہے۔

دنیا کے بلند ترین شیشے کے پل کا افتتاح گزشتہ اتوار کو کیا گیا جہاں سیاحوں کی بڑی تعداد نے رخ کر لیا ہے۔سیاح دنیا کے بلند ترین شیشے کے پل پر لطف اندوز ہوتے ہوئے اپنی سیلفیاں بھی لے رہے ہیں۔ 

واضح رہے کہ گزشتہ برس 430 میٹر لمبائی اور 6 میٹر چوڑائی والا پل چین کے صوبہ ہنان میں افتتاح کیا گیا تھا۔