سلواکیہ :بچپن میں سنا کرتے تھے کہ اُڑنے والی کار آگئی ،فلموں میں دیکھا بھی کہ اُڑنے والی کاریں کیسے چلا کریں گی لیکن اب یہ فلمیں اور خواب حقیقت بن کر ہمارے سامنے آ رہی ہیں ۔
سلوواکیہ کی کمپنی کا پیرس اور لندن کے درمیان سفر کے آغاز کا منصوبہ منظر عام پر آگیا ،یہ اُڑنے والی کار 2 منٹ 15 سیکنڈ میں طیارے میں تبدیلی ہوسکتی ہے۔
7c21e3d865b471f36584f9d7b9968aa4
اڑنے والی کاریں بنانے والی سلوواکیہ کی کمپنی نے کہا ہے کہ وہ پیرس اور لندن کے درمیان سفر شروع کرنے کا منصوبہ بنا رہی ہے،کلائن ویژن نامی اس کمپنی نے یہ اعلان اپنی اڑنے والی کار کو یورپی ٹرانسپورٹ اتھارٹی کی طرف سے پرواز کے لیے موزوں ہونے کی سند ملنے کے بعد کیا ہے۔
کمپنی کی بنائی گئی یہ اڑنے والی کار دو منٹ اور 15 سیکنڈ میں کار سے طیارے میں تبدیل ہونے کی صلاحیت رکھتی ہے اور فضا میں بلند ہونے کے بعد سو میل فی گھنٹہ سے زیادہ کی رفتار کے ساتھ پرواز کر سکتی ہے۔ اس کا مطلب ہے کہ لندن اور پیرس کے درمیان 340 کلومیٹر کا فاصلہ صرف دو گھنٹے میں طے ہوگا۔
