لندن: وزیراعظم عمران خان کی سابقہ اہلیہ جمائمہ گولڈ سمتھ نے ایک مرتبہ پھر’’پاکستان زندہ باد‘‘ کا نعرہ لگا کر پاکستانیوں کے دل جیت لئے۔
سماجی رابطے کی ویب سائٹ ٹوئٹر پر عمران خان کی سابقہ اہلیہ نے ایک ویب بیسڈ ورڈ گیم ’’ورڈل‘‘ کے حوالے سے ٹوئٹ کی تھی جس پر ایک صارف نے جمائمہ گولڈ سمتھ کو واپس پاکستان آنے کی درخواست کی۔
249f0b5ea29e3636506ca22fa174d915
ٹوئٹر صارف نے جمائمہ گولڈ سمتھ کی ٹوئٹ پر جواب دیتے ہوئے کہا کہ عمران خان آپ کے بغیر کچھ بھی نہیں اور انہیں ان کے دوستوں کی جانب سے بے وقوف بنایا جارہا ہے۔
پال نامی صارف نے وزیراعظم کی سابقہ اہلیہ اور پاکستانی صارف کے اس ٹوئٹ کا سکرین شاٹ شیئر کرتے ہوئے لکھا میں شرط لگاتا ہوں کہ ’’ورڈل‘‘کے بانی نے کبھی یہ نہیں سوچا ہو گا کہ ان کی گیم کے بارے میں کی گئی پوسٹ پر کوئی اس طرح کا ردعمل بھی دے سکتا ہے۔
46db7231da5f5571dcfed99bc4870ad9
دوسری جانب جمائمہ گولڈ سمتھ نے ٹوئٹر پر ہونے والی اس دلچسپ بات چیت پر ردعمل دیتے ہوئے لکھا میری باقی زندگی کے لیے ہر ٹوئٹ اور پھر اپنے اسی ٹوئٹ کے جواب میں انہوں نے ’’پاکستان زندہ باد‘‘کا نعرہ لگایا اور پاکستان کے جھنڈے اور دل والے ایموجیز کا استعمال کیا۔
یاد رہے کہ 20 فروری 2021 کو بھی وزیراعظم عمران خان کی سابقہ اہلیہ نے پاکستنانی نژاد برطانوی کامیڈین عاصم چودھری کے ٹوئٹ پر ردعمل دیتے ہوئے پاکستان زندہ باد کا نعرہ لگایا تھا۔
