لاہور: آزاد کشمیر الیکشن کے نتائج پر پاکستان مسلم لیگ ن کی نائب صدر مریم نواز کا ردعمل بھی سامنے آگیا ، کہا میں نے نتائج تسلیم نہیں کیے ہیں اور نا کروں گی ۔
اپنی ٹویٹ میں مریم نواز نے کہا کہ میں نے تو 2018 کے نتائج بھی تسلیم نہیں کیے نا اس جعلی حکومت کو مانا ہے ۔ ورکر اور ووٹرز کو شاباش دی ہے ۔ اس بے شرم دھاندلی پر کیا لائحہ عمل ہو گا ، جماعت جلد فیصلہ کرے گی ۔
میں نے نتائج تسلیم نہیں کیے ہیں اور نا کروں گی۔ میں نے تو ۲۰۱۸ کے نتائج بھی تسلیم نہیں کیے نا اس جعلی حکومت کو مانا ہے۔ ورکر اور ووٹرز کو شاباش دی ہے۔ اس بے شرم دھاندلی پر کیا لائحہ عمل ہو گا، جماعت جلد فیصلہ کرے گی انشاءاللّہ https://t.co/tgaO8TrH9H
— Maryam Nawaz Sharif (@MaryamNSharif) July 25, 2021
مریم نواز کی طرح بلاول بھٹو نے بھی آزاد کشمیر الیکشن میں دھاندلی کے الزامات عائد کرتے ہوئے پی ٹی آئی کی جیت کو تسلیم کرنے سے انکار کر دیا ہے ۔
واضح رہے کہ آزاد کشمیر الیکشن میں پاکستان تحریک انصاف (پی ٹی آئی) نے میدان مار لیا ہے ۔ پی ٹی آئی 26 نشستوں کے ساتھ پہلی پوزیشن پر ہے جبکہ پیپلز پارٹی نے 11 اور مسلم لیگ (ن) نے 6 نشستوں پر کامیابی حاصل کی ہے ۔
غیر سرکاری اور غیر حتمی تنائج کے مطابق مسلم لیگ (ن) کے امیدوار راجہ فاروق حیدر اور شاہ غلام قادر پنی سیٹیں بچانے میں کامیاب رہے ہیں ۔
سابق وزیراعظم آزاد کشمیر اور مسلم کانفرنس کے صدر سردار عتیق احمد خان نے حلقہ ایل اے 14 سے بڑی تعداد میں ووٹ حاصل کرکے اپنی کامیابی کا جھنڈا گاڑا ۔
آزاد کشمیر الیکشن کے 33 حلقوں میں 587 امیدواروں نے حصہ لیا جبکہ پاکستان کے دیگر علاقوں میں 12 سیٹوں پر 121 امیدوار میدان میں اترے ۔
