اسلام آباد: پاکستان تحریک انصاف (پی ٹی آئی ) کے چیئرمین عمران خان نے پیپلز پارٹی پر سندھ میں بلدیاتی انتخابات کے دوران مخالف امیدواروں کو ہراساں کرنے کا الزام لگایا ہے۔
سماجی رابطے کی ویب سائٹ ٹوئٹر پر اپنی ٹوئٹ میں عمران خان نے کہا ہے کہ سندھ کے 4 ڈویژنز میں بلدیاتی انتخابات ہورہے ہیں، پیپلز پارٹی کی جانب سے ہمارے امیدواروں کو ہراساں کیا جارہا ہے۔
LBEs are to be held in 4 divs of Sindh. Despite PPP terrorising our candidates & not following SC orders to devolve authority to local reps under Art 140A, we are taking part in the elections.
— Imran Khan (@ImranKhanPTI) June 25, 2022
I ask people of Sindh to vote for PTI candidates & eliminate the #ZardariMafia
عمران خان نے کہا کہ سپریم کورٹ کے احکامات کی روشنی میں آرٹیکل 140 اے کے تحت اختیارات کی مقامی نمائندوں تک منتقلی سےگریز کے باوجود ہم حصہ لے رہے ہیں۔انہوں نے سندھ کے عوام سے اپیل کرتے ہوئے کہا کہ پی ٹی آئی کے امیدواروں کو ووٹ دیں اور زرداری مافیا کا صفایا کر دیں۔
