اسلام آباد: سربراہ این سی او سی اسد عمر کا کہنا ہے کہ حکومت نے 19 سال سے زائد عمر کے تمام افراد کی ویکسی نیشن کا فیصلہ کرلیا ہے ۔
اپنے ٹویٹر پیغام میں اسد عمر نے بتایا کہ کل سے کورونا ویکسی نیشن کیلئے پوری قوم کی رجسٹریشن شروع ہو جائے گی ۔
In today's NCOC meeting we decided to open up vaccination registration for all 19 years and above. This registration will start from tomorrow. So now registration will be open for the entire national population which is approved by health experts for covid vaccination
— Asad Umar (@Asad_Umar) May 26, 2021
واضح رہے کہ ملک میں کورونا کی تیسری لہر کا زور کم ہونے لگا ، کورونا سے آج 65 افراد انتقال کر گئے جس کے بعد اموات کی تعداد 20 ہزار 465 ہوگئی ۔
محکمہ صحت کے مطابق 24 گھنٹے میں 2 ہزار 724 نئے کیس رپورٹ ہوئے ، ملک بھر میں 59 ہزار 76 ٹیسٹ کیے گئے جبکہ 4 ہزار 242 مریضوں کی حالت نازک ہے ۔
نیشنل کمانڈ اینڈ آپریشن سینٹر کے مطابق کورونا کے مثبت کیسز کی شرح 4.61 فیصد رہی ۔ ملک بھر میں کورونا سے متاثرہ مریضوں کی تعداد 9 لاکھ 8 ہزار 589 ہوگئی ۔
گزشتہ روز وفاقی وزیر تعلیم شفقت محمود بھی وائرس کا شکار ہو گئے رپورٹ مثبت آنے کے بعد انہوں نے خود کو آئسولیٹ کرلیا ہے ۔
