اسلام آباد: وزیر صحت عبدالقادر پٹیل نے انکشاف کیا ہے کہ عمران خان کے گرفتاری کے بعد لیے گئے بلڈ اور یورین سیمپل کی رپورٹ آگئی ہے۔ ثابت ہوگیا ہے کہ عمران خان کوکین اور شراب پیتے ہیں۔
اسلام آباد میں نیوز کانفرنس کرتے عبدالقادر پٹیل نے کہا کہ عمران خان کی حرکات و سکنات فٹ آدمی کی نہیں ہے۔ پانچ سینئرز ترین ڈاکٹرز نے اپنی رپورٹس میں کہا ہے کہ عمران خان کی دماغی صحت ٹھیک نہیں ہے۔
چیئرمین تحریک انصاف کی ابتدائی میڈیکل رپورٹس کے مطابق عمران خان نے ’شراب‘ اور ’کوکین‘ کا بے دریغ استعمال کیا ہے۔ ان کے مطابق اس کی مقدار کا تعین حتمی رپورٹ آنے پر ہی ہو سکے گا۔
وزیرصحت نے یہ دعویٰ بھی کیا کہ پانچ سینیئر ڈاکٹرز نے لکھا کہ عمران خان کی ذہنی کیفیت ٹھیک نہیں ہے۔ ان کے مطابق میڈیکل رپوٹس میں عمران خان کے کسی فریکچر کا ذکر نہیں۔
ان کے مطابق چمڑی پر پلاسٹر کرنے والا عمران خان واحد شخص ہوگا۔ عمران خان چھ ماہ پلستر لگا کر گھومتے رہے لیکن ان کی ٹانگ پر کوئی فریکچر نہیں تھا۔ عمران خان نے نوجوانوں کو بھڑکایا۔
