سنی لیون پر سانپ پھینکے جانے کی ویڈیو نے ریکارڈ بنا ڈالا

سنی لیون پر سانپ پھینکے جانے کی ویڈیو نے ریکارڈ بنا ڈالا

ممبئی: بے باک بالی ووڈ اداکارہ سنی لیون پر سانپ پھینکے جانے کی ویڈیو نے سماجی رابطوں کی ویب سائٹ انسٹا گرام پر نیا ریکارڈ بنا ڈالا ۔ ویڈیو کو محض 5 گھنٹوں میں 10 لاکھ سے زائد بار دیکھا گیا۔


تفصیلات کے مطابق اداکارہ نے اپنے انسٹاگرم پر ایک ویڈیو شیئر کی جو کہ ایک ڈرامے یا اشتہار کے سیٹ پر بنائی گئی ، مختصر ویڈیو میں دیکھا جا سکتا ہے کہ سنی لیون ایک چیئر پر بیٹھ کر اسکرپٹ پڑھنے میں مصروف دکھائی دیتی ہیں۔اسی دوران ان کی شوٹنگ ٹیم کے ایک مرد رکن سنی رنجانی نے ان پر ایک مصنوعی سانپ پھینکا جو ہوبہو اصلی سانپ جیسا دکھائی دے رہا ہے۔مصنوعی سانپ کو دیکھ کر اداکارہ خوف کے مارے ڈر گئیں، اور اسکرپٹ کے پیپر پھینک کر ساتھی رکن سنی رنجانی کے پیچھے بھاگنے لگیں۔سنی لیون کی ویڈیو کو محض 5 گھنٹوں میں 10 لاکھ اور گزشتہ 24 گھنٹوں میں 20 لاکھ سے زائد بار دیکھا گیا۔

My team played a prank on me on set!! @sunnyrajani @tomasmoucka mofos!!!!!!

A post shared by Sunny Leone (@sunnyleone) on

بعد ازاں اداکارہ نے ایک ٹوئیٹ میں مداحوں کا شکریہ ادا کرتے ہوئے اعلان کیا کہ ان کی انسٹاگرام ویڈیو کو پہلی بار اتنی زیادہ بار دیکھا گیا ہے۔

واضح رہے کہ سنی لیون ان دنوں اپنی آنے والی فلم رومانٹک فلم ’تیرا انتظار ہے‘ کی تشہیر میں مصروف رہنے سمیت متعدد ٹی وی پروگراموں اور اشتہارات کی شوٹنگ میں مصروف ہیں۔