ممبئی حملوں میں ملوث افراد کی گرفتاری پر امریکا انعام دے گا، مائیک پومپیو

ممبئی حملوں میں ملوث افراد کی گرفتاری پر امریکا انعام دے گا، مائیک پومپیو
حملوں میں ملوث عناصر کو اب تک سزا نہیں ملی جو ہلاک ہونے والوں کے ورثا کی توہین ہے۔۔۔۔۔ امریکی محکمہ خارجہ۔۔۔۔فوٹو/ پومپیو آفیشل ٹوئٹر اکاؤنٹ

واشنگٹن: امریکی محکمہ خارجہ نے ممبئی حملوں میں ملوث عناصر کی گرفتاری میں مدد دینے پر 50 لاکھ ڈالر کے نئے انعام کا اعلان کر دیا۔ممبئی حملوں کے 10 سال مکمل ہونے پر امریکی وزیر خارجہ مائیک پومپیو نے ایک بیان میں کہا کہ حملوں میں ملوث عناصر کو اب تک سزا نہیں ملی جو ممبئی حملوں میں ہلاک ہونے والوں کے ورثا کی توہین ہے۔


مائیک پومپیو نے کہا کہ وہ تمام ممالک بالخصوص پاکستان پر زور دیتے ہیں کہ لشکر طیبہ سمیت ممبئی حملوں میں ملوث عناصر کے خلاف سلامتی کونسل کی پابندیوں پر عمل درآمد کرے۔

خیال رہے کہ ممبئی میں 26 نومبر 2008 کو ایک حملہ ہوا تھا جو 60 گھنٹے تک جاری رہا اور اس حملے میں 150 سے زائد افراد کی ہلاکت ہوئی تھی۔