وزیر خارجہ کا افغان کانفرنس میں شرکت نہ کرنے کا فیصلہ

وزیر خارجہ کا افغان کانفرنس میں شرکت نہ کرنے کا فیصلہ
شاہ محمود قریشی 28 نومبر کو کرتار پور کوریڈور سنگ بنیاد کی تقریب میں شریک ہوں گے۔۔۔۔۔ فوٹو/ آفیشل ٹوئٹر اکاؤنٹ

اسلام آباد: وزیر خارجہ شاہ محمود قریشی نے کل جنیوا میں منعقد افغان کانفرنس میں شریک نہ ہونے کا فیصلہ کیا ہے۔سفارتی ذرائع کے مطابق افغان کانفرنس کل جنیوا میں منعقد ہوگی جس میں وزیر خارجہ شاہ محمود قریشی نے پاکستان کی نمائندگی کرنا تھی تاہم اب انہوں نے کانفرنس میں شریک نہ ہونے کا فیصلہ کیا ہے۔


وزیر خارجہ شاہ محمود قریشی کی جگہ پاکستان کا اعلیٰ سطح کا وفد شریک ہو گا۔

سفارتی ذرائع کا کہنا ہے کہ کانفرنس کا مقصد امریکا اور طالبان کے درمیان مذاکراتی عمل کو تیز کرنا ہے جب کہ کانفرنس میں پاکستان، امریکا، روس، چین اور متعدد یورپی ممالک شریک ہوں گے۔ وزیر خارجہ شاہ محمود قریشی 28 نومبر کو کرتار پور کوریڈور سنگ بنیاد کی تقریب میں شریک ہوں گے۔