آئی فون استعمال کرنے والوں کیلئے اُس وقت بڑی مشکل قائم ہو سکتی تھی جب دو سال قبل ایپل کمپنی نے اپنے سٹور سے فیس بک اور انسٹاگرام کو نکالنے کی دھمکی دی تھی ۔
فیس بک کی لیک ہونے والی دستاویزات میں یہ چونکا دینےو الی خبر بھی سامنے آئی جس میں اس با ت کا انکشاف کیا گیا تھا کہ دو سال قبل ایپل کمپنی نے فیس بک اور انسٹاگرام کو اپنے ایپ سٹور سے نکالنے کی دھمکی دی تھی .
امریکی کمپنی ایپل نے سماجی رابطے کی ویب سائٹ فیس بک کو مشرق وسطیٰ میں گھریلو ملازماؤں کی خرید و فروخت میں آلہ کار بننے کے الزامات پر ایپ اسٹور سے نکالنےکی دھمکی دی تھی۔
خبر رساں ادارےاے پی نے فیس بک کی سامنے آنے والی دستاویزات حاصل کی ہیں جن کے مطابق’’ فیس بک ‘‘نے تسلیم کیا کہ فیس بک نے گھریلو ملازماؤں کی خرید و فروخت کی روک تھام کے لئے ناکافی اقدامات کیے تھے ۔
