میگا منی لانڈرنگ کیس، آصف زرداری پر پارک لین کیس میں فرد جرم مؤخر

میگا منی لانڈرنگ کیس، آصف زرداری پر پارک لین کیس میں فرد جرم مؤخر
کیپشن:   لطیف کھوسہ نے آصف زرداری اور فریال تالپور کی حاضری سے ‏استثنی کی درخواست پیش کی۔۔۔۔۔۔۔۔۔۔۔۔فائل فوٹو

اسلام آباد: اسلام آباد کی احتساب عدالت میں کورونا وائرس کے باعث جعلی اکاونٹس اور میگا منی لانڈرنگ کیس کی سماعت آگے نہ ‏بڑھ سکی، پارک لین ریفرنس میں آصف زرداری و دیگر کیخلاف فرد جرم کی کارروائی بھی موخر کر دی گئی۔

احتساب عدالت کے جج محمد اعظم خان نے جعلی اکاونٹس اور میگا منی لانڈرنگ کیس کی ‏سماعت کی۔ نیب پراسیکیوٹر وسیم جاوید اور تفتیشی افسر قاسم خان عدالت میں پیش ہوئے جبکہ سابق ‏صدر آصف زرداری اور فریال تالپور پیش نہیں ہوئے۔

وکیل لطیف کھوسہ نے آصف زرداری اور فریال تالپور کی حاضری سے ‏استثنی کی درخواست پیش کرتے ہوئے کہا کہ کورونا کی باعث کوئی کارووائی آگے ‏نہیں بڑھ رہی۔ عدالت عید کے بعد کیس کی تاریخ دے۔ عدالت نے استدعا منظور کرتے ‏ہوئے سماعت بغیر کارروائی 10 جون تک ملتوی کر دی۔

سابق صدر آصف زرداری پر پارک لین کیس میں فرد ‏جرم بھی موخر کر دی گئی۔ پنک ریذیڈنسی، نہرخیام ‏غیرقانونی الاٹمنٹ کے ریفرنسز پر بھی سماعت 10 جون تک ملتوی کر دی گئی۔