لاہور،پنجاب حکومت نے عید تک صوبے کے تمام سکول بند کردیئے ۔ نوٹیفکیشن جاری کردیا گیا ۔
تفصیلات کے مطابق ،پنجاب حکومت نے صوبے کے تمام سرکاری و نجی اسکولز بند کرنے کے احکامات جاری کردیئے۔
محکمہ تعلیم کی طرف سے جاری نوٹیفکیشن کے مطابق صوبے بھر میں عید تک اسکولز بند رکھے جائیں گے۔
نوٹیفکیشن میں کہا گیا ہے کہ اسکولز بند کرنے کا فیصلہ کورونا کی تشویشناک صورتحال کے پیش نظر کیا گیا۔اس سے قبل پنجاب کے صرف 25 اضلاع میں اسکولز بند کئے گئے تھے۔
قبل ازیں اسلام آباد میں ڈاکٹر فیصل سلطان کے ہمراہ پریس کانفرنس کرتے ہوئے وزیر تعلیم شفقت محمود نے کہا کہ کرونا کی بگڑتی صورت حال کے پیش نظر پندرہ جون تک تمام امتحانات ملتوی کردئیے گئے ہیں،اب او لیول کے امتحانات اکتوبر اور نومبر میں ہوں گے۔
پریس کانفرنس میں وفاقی وزیر تعلیم شفقت محمود نے بتایا کہ جن طلبا کا سال ضائع ہونےکاخدشہ ہے وہ اسی ڈیٹ شیٹ پرامتحان دے سکیں گے، اس حوالے سے کیمبرج انتطامیہ سے بات چیت ہوئی ہے، کمیبرج نےکہا ہے کہ اکتوبر نومبر میں امتحانات پر اضافی فیس نہیں ہوگی، جو بچے امتحان دینگے وہ سخت ایس اوپیز کےساتھ ہونگے، اگر کہیں امتحان ہوئے تو 50سےزیادہ بچے نہ ہوں۔
