لاہور:پاکستان کے معروف اداکار شان نے سماجی رابطوں کی ویب سائٹ پر اپنے مداحوں کو آڑے ہاتھوں لے لیا۔
تفصیلات کے مطابق سماجی رابطوں کی ویب سائٹ پر شان کی نئی فلم"ارتھ "کو شدید تنقید کا نشانہ بنایا جا رہا تھا ان کا مداحوں نے کہا کہ شان نے اپنے مداحو ں کو بہت مایوس کیا ہے شان کی اس فلم سے یہ امید نہیں کی جا سکتی ۔ پاکستانی انڈسٹری کو اچھی اور معیاری فلمیں بنانی چاہیں۔
جس پر معروف پاکستانی اداکار شان کو غصہ آ گیا اور سماجی رابطوں کی ویب پر نئی جنگ چھڑ گئی۔ان کی ٹویٹ میں علاقائی تعصب نظر آیا جو کہ اداکار سے متوقع نہیں تھا۔
شان نے اپنی ٹویٹ میں لاہور والوں اور کراچی میں فرق کیا جس کے بعد ٹویٹر پر شان اور ان کے مداحوں میں بحث چلتی رہی۔ لیکن شان نے بھی مداحوں کی تنقید کا ڈٹ کر مقابلہ کیا۔
