نئی دہلی: بالی ووڈ اداکارہ نرگس فخری اور اداکار اودے چوپڑا کے درمیان تعلقات ختم ہو چکے ہیں۔علیحدگی کے بعد اودے چوپڑا سے متعلق تو کچھ نہیں کہا جا سکتا البتہ ایسا محسوس ہوتا ہے کہ نرگس فخری نے حالات کے ساتھ سمجھوتہ کرتے ہوئے زندگی میں آگے بڑھنے کا فیصلہ کر لیا ہے کیونکہ بھارتی خبر رساں ادارے کا کہنا ہے کہ وہ آج کل امریکی ڈائریکٹر اور ویڈیو ایڈیٹر میٹ الونزو کیساتھ گھوم پھر رہی ہیں۔
نرگس فخری نے انسٹاگرام اکاونٹ پر میٹ کیساتھ لی گئی اپنی ایک تصویر شیئر کی اور لکھا ”یہ اپنے پیاروں کیساتھ کھانا، مزہ اور تقریبات شیئر کرنے کا سیزن ہے۔ سب لوگوں کو کرسمس مبارک ہو۔“
.....
c4907d68b3e5ef6717479c1d169f5ff7
اس سے قبل یہ خبریں بھی منظرعام پر آئی تھیں کہ دونوں جلد شادی کرنے والے ہیں حتیٰ کہ نرگس فخری کے قریبی ذرائع نے بھارتی خبر رساں ادارے کو یہ بھی بتایا تھا نرگس فخری ممبئی میں ایک پراجیکٹ پر کام کر رہی ہیں لیکن جلد ہی وہ امریکہ روانہ ہو جائیں گی۔
قریبی ذرائع کا مزید کہنا تھا کہ ”نرگس فخری جب بھی ممبئی آتی ہیں تو اودے چوپڑا سے ملاقات کرتی ہیں مگر دونوں علیحدہ ہو چکے ہیں۔ وہ چوپڑا فیملی سے ملاقات کے بعد اپنی دوستوں عالیہ الروفائی، سمیتا لسرادو اور سنجنا سپی کے ساتھ پارٹی میں گئیں۔ اگلی صبح نرگس فخری ٹیلی ویڑن شوٹ کیلئے سٹوڈیو گئیں اور ہفتے کے آخر میں وہ نیویارک روانہ ہو جائیں گی۔“
