ہرنائی ، بلوچستان میں دہشتگردوں کا ایف سی کے قافلے پر حملہ ،دہشتگردوں کی کارروائی میں سات ایف سی اہلکار شہید ہوگئے ۔ آئی ایس پی آر کے مطابق دہشتگردوں نے حملہ ہرنائی چیک پوسٹ پر کیا ۔ دہشتگردانہ کارروائی میں صوبیدار گلزار، سپاہی فیصل ،عبدوالوکیل ،زیرمان ،فقیر محمد ،جمال ،عبدالرؤف شہید ہوئے ہیں ۔ حکام کے مطابق دہشتگردوں کی تلاش کے لئے تمام راستے بند کردیئے گئے ہیں ۔ حملہ آور دہشتگردوں کی تلاش جاری ہے ۔
آئی ایس پی آر ترجمان کاکہنا ہے کہ دہشتگردوں کو بلوچستان کا امن تباہ نہیں کرنے دیں گے ۔ملک دشمن قوتیں ملک کو غیرمستحکم کرنے کی کوششیں کررہی ہیں ۔