پنجاب حکومت نے پانچ سالہ ایمان فاطمہ کا کیس ری اوپن کر دیا

پنجاب حکومت نے پانچ سالہ ایمان فاطمہ کا کیس ری اوپن کر دیا

لاہور/قصور: پنجاب حکومت نے پانچ سالہ ایمان فاطمہ قتل کیس میں پولیس کے ہاتھوں جعلی پولیس مقابلے میں مارے جانے والے نوجوان مدثر کا کیس ری اوپن کردیا ۔

تفصیلات کے مطابق زینب قتل کیس کی تحقیقات کیلئے قائم جے آئی ٹی نے پولیس کے ہاتھوں بے گناہ مارے جانے والے نوجوان مدثر کا کیس ری اوپن کردیا ہے۔ جے آئی ٹی نے مدثر قتل کیس کی دوبارہ تحقیقات شروع کرتے ہوئے جعلی پولیس مقابلے میں شامل 6 پولیس اہلکاروں کو طلب کرلیا ہے۔

پولیس اہلکار جے آئی ٹی کے سامنے اپنے بیانات ریکارڈ کرائیں گے دوسری جانب مقتول مدثر کے اہلخانہ انصاف کیلئے عدالت پہنچ گئے ، قصور کی مقامی عدالت نے مدثر کے والدین کی درخواست سماعت کیلئے منظور کرتے ہوئے30 جنوری کو سماعت کیلئے مقرر کردی۔