2018 کے انتخابات میں مہنگے ترین بیلٹ پیپرز استعمال ہوں گے

اسلام آباد: 25 جولائی 2018 کو ہونے والے عام انتخابات میں ملکی تاریخ کے مہنگے ترین بیلٹ پیپرز استعمال ہوں گے جس کی خاصیت اس پر واٹر مارک کی موجودگی ہے۔ الیکشن کمیشن نے انتخابات میں شفافیت برقرار رکھنے کے لیے بیلٹ پیپرز کے لیے کاغذ بیرون ملک سے درآمد کیا ہے اور پہلی مرتبہ بیلٹ پییپرز پر واٹر مارک دکھائی دے گا۔

 

21  کروڑ بیلٹ پیپرز کی چھپائی پر 2 ارب روپے سے زائد خرچ آئے گا اور یہ بیلٹ پیپرز ملکی تاریخ کے مہنگے ترین بیلٹ پیپرز ہوں گے۔

مزید پڑھیں: تحریک لبیک کے آصف جلالی الیکشن لڑنے کیلئے نااہل قرار

الیکشن کمیشن نے بیلٹ پیپرز کی چھپائی کے لیے ڈسٹرکٹ ریٹرننگ آفیسر اور ریٹرننگ افسران سے متعلقہ حلقوں کے بیلٹ پیپرز کی تعداد مانگ لی۔

 

ذرائع کے مطابق الیکشن کمیشن نے تمام ڈی آر او اور آر اوز کو اپنے حلقوں کے ووٹرز کی تعداد 30 جون تک جمع کرانے کی ہدایت کی ہے۔ ذرائع کا کہنا ہے کہ بیلٹ پیپرز راونڈ فیگر کی تعداد میں چھاپے جائیں گے۔ مثلاً کسی بھی پولنگ اسٹیشن پر 1201 ووٹرز ہونے کی صورت میں 1300 بیلٹ پیپرز چھاپے جائیں گے۔

 

یہ بھی پڑھیں: لاہور اور گردو نواح میں وقفے وقفے سے بارش جاری

الیکشن کمیشن کے مطابق یکم جولائی سے اسلام آباد، لاہور اور کراچی کی پرنٹنگ پریس بیلٹ پیپرز کی چھپائی کا آغاز کریں گی اور یہ عمل فوج کی نگرانی میں ہوگا۔

 

 

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں