پاکستان نے سلامتی کونسل میں بھارت کی غیر مستقل رکنیت کی حمایت کر دی

پاکستان نے سلامتی کونسل میں بھارت کی غیر مستقل رکنیت کی حمایت کر دی
15 رکنی سلامتی کونسل کے پانچ غیر مستقل ارکان کے انتخاب کیلئے الیکشن اگلے سال جون میں ہوگا۔۔۔۔۔۔فوٹو/ سلامتی کونسل ویب سائٹ

نیو یارک: پاکستان سمیت 54 ایشیا پیسیفک ممالک کے گروپ نے اقوام متحدہ کی سلامتی کونسل میں بھارت کی غیر مستقل رکنیت کی حمایت کر دی.پاکستان کے علاوہ بنگلہ دیش، افغانستان، چین، ایران، انڈونیشیا، ملائیشیا، سعودی عرب، متحدہ عرب امارات، ترکی سمیت ایشیا پیسیفک گروپ کے دیگر ممالک نے متفقہ طور پر بھارت کو اقوام متحدہ کی سلامتی کونسل کی دوسالہ غیر مسقتل رکنیت کیلئے نامزد کیا۔


پاکستان سمیت 54 ایشیا پیسیفک ممالک کے گروپ نے اقوام متحدہ کی سلامتی کونسل میں بھارت کی غیر مستقل رکنیت کی حمایت کی ہے۔ یاد رہے کہ بھارت اس سے قبل 7 بار سلامتی کونسل کا غیر مستقل رکن رہ چکا ہے۔

اقوام متحدہ کی 15 رکنی سلامتی کونسل کے پانچ غیر مستقل ارکان کے انتخاب کیلئے الیکشن اگلے سال جون میں ہوگا۔ اقوام متحدہ کی 193 رکنی جنرل اسمبلی ہر سال سلامتی کونسل کے پانچ غیر مستقل ارکان کو دو سال کی مدت کیلئے منتخب کرتی ہے۔