کراچی: پاکستانی ڈرامہ انڈسٹری کی معروف اداکارہ زارا نور عباس کو اپنے نئے ڈرامہ کیلئے شوٹ کی گئی ’ملک باتھ‘ کی ویڈیو پر انٹرنیٹ صارفین کی تنقید کے بعد وضاحت دینا پڑ گئی ہے۔
زارا نور عباس کی ایک ویڈیو گزشتہ دنوں سے انٹرنیٹ پر خوب وائرل ہو رہی ہے جو نجی ٹی وی پر نشر ہونے والے ان کے نئے ڈرامے کی شوٹنگ کے دوران بنائی گئی ہے جس کے ایک سین میں اداکارہ تالاب میں دودھ سے غسل لینے کیلئے اتر رہی ہیں۔ تاہم انٹرنیٹ صارفین دودھ کے غلط استعمال پرشدید تنقید کر رہے ہیں۔
c1a6374849a6485dabbbe5c3d36a7771
سوشل میڈیا صارفین کی تنقید کے بعد زارا نور عباس کو ویڈیو سے متعلق وضاحت دنیا پڑ گئی اور انہوں نے اپنے انسٹا گرام اکاؤنٹ پر یہی ویڈیو شئیر کرتے ہوئے اپنے وضاحتی پیغام میں لکھا کہ ’ یہ خالص دودھ نہیں بلکہ محض پانی ہے جس میں مصنوعی رنگ شامل کر کے رنگ تبدیل کیا گیا ہے۔
سوشل میڈیا صارفین نہ صرف دودھ کے غسل بلکہ ڈرامہ میں دکھائی جانیوالی رسم پر بھی نالاں ہیں، ان کا کہنا ہے کہ ایسی رسومات ہمارے مذہب کا حصہ نہیں بلکہ یہ ہندو مذہب کی رسم ہے۔
