اسلام آباد: وفاقی وزیر تعلیم شفقت محمود نے کہا ہے کہ او لیول امتحانات 26 جولائی سے شروع کرنے کیلئے برٹش کونسل کو این او سی جاری کر دیا ہے۔
سماجی رابطے کی ویب سائٹ ٹوئٹر پر اپنے پیغام میں شفقت محمود نے کہا کہ ہم نے آج برٹش کونسل کو این او سی جاری کردیا ہے جس کے تحت 26 جولائی سے 6 اگست تک او لیول کے خصوصی امتحانات منعقد کیے جاسکیں گے۔
5f3e1155621c51f38f218a5716f06dbe
وزیر تعلیم کا مزید کہنا ہے کہ اس سے او لیول کے طلبا کو ستمبر سے اے لیول یا ایف اے/ ایف ایس سی کی کلاسز شروع کرنے میں آسانی ہوگی۔ جولائی میں اس قسم کے امتحان کی مثال نہیں ملتی اور مجھے خوشی ہے کہ کیمبرج اس کا اہتمام کررہا ہے۔
df0d4dd1c70ba6fe2d80a59f3474383e
انہوں نے مزید کہا کہ کورونا وبا نے تمام شعبوں کو متاثر کیا ہے اور خاص طور پر تعلیم کے میدان میں بے پناہ مشکلات پیدا کردی ہیں۔ تعلیم کو جاری رکھنے کو یقینی بنانے کے لیے ہم مشکل فیصلے کررہے ہیں۔ ہر فیصلے کے نقصانات اور فائدے ہوتے ہیں لیکن ہمارے نزدیک طلبا کی فلاح و بہبود ہمیشہ مقدم ہے۔
