امریکی چینی تجارتی جنگ منفی اثرات کی حامل ہے، ایشیائی ترقیاتی بینک

امریکی چینی تجارتی جنگ منفی اثرات کی حامل ہے، ایشیائی ترقیاتی بینک

کراچی: ایشیائی ترقیاتی بینک نے اگلے سال کے دوران براعظم ایشیا میں اقتصادی ترقی کی رفتار کو کمزور قرار دیا ہے۔


تفصیلات کے مطابق بینک نے اپنی رپورٹ میں چین اور امریکا کے درمیان جاری تجارتی جنگ کو اس صورت حال کی بنیادی وجہ قرار دیا ہے۔ بینک کی رپورٹ کے مطابق ایشیائی ممالک میں اقتصادی شرح پیداوار رواں برس کی چھ فیصد سے کم ہو کر 5.8 فیصد تک گر سکتی ہے۔

اس کے علاوہ رپورٹ میں چینی سالانہ شرح پیداوار میں بھی کمی کے امکان کو ظاہر کیا گیا ہے۔بینک کے چیف اکنامسٹ یاسوکی سواڈا نے رپورٹ پیش کرتے ہوئے واضح کیا کہ تجارتی جنگ کے تناظر میں اقتصادی سرگرمیوں میں کمی کا رجحان سن 2019 میں غالب رہنے کا قوی امکان ہے۔