کراچی: سابق گورنر سندھ محمد زبیر نے سوشل میڈیا پر ان سے منسوب مبینہ ویڈیو پر شدید ردعمل دیتے ہوئے کہا ہے کہ یہ سیاست نہیں ہے، میرے ساتھ ایک جعلی ویڈیو کو منسوب کیا جا رہا ہے۔
سماجی رابطوں کی ویب سائٹ ٹویٹر پر جاری بیان میں ان کا کہنا تھا کہ میں نے اس ملک کیلئے ہمیشہ ایمانداری کیساتھ کام کیا اور اس کی فلاح کیلئے اپنی آواز اٹھاتا رہوں گا لیکن اس ویڈیو کے پیچھے جو بھی عناصر ہیں انہوں نے انتہائی گھٹیا پن کا ثبوت دیا ہے۔
fe285c036f3053bcc67c1ef2d0808662خیال رہے کہ مسلم لیگ (ن) کے رہنما محمد زبیر کی مبینہ ویڈیو سوشل میڈیا پر وائرل ہونے کے بعد سیاسی حلقوں میں شدید پریشانی کی فضا ہے، کہا جا رہا ہے کہ یہاں کسی کی عزت محفوظ نہیں ہے۔
ان دنوں سوشل میڈیا کے مختلف پلیٹ فارمز پر ایک نازیبا ویڈیو وائرل ہو چکی ہے جس موجود شخص بارے دعوے کئے جا رہے ہیں کہ وہ سابق گورنر سندھ اور مسلم لیگ (ن) کے سینئر رہنما محمد زبیر ہیں، تاہم کسی ذرائع سے اس کی تصدیق نہیں ہو سکی ہے۔
86adb0dc78bbd8b18c9a8c0bbc9e76caیہ نازیبا ویڈیو سوشل میڈیا پر اپ لوڈ کرنے والوں نے اس میں موجود افراد کی شناخت چھپانے کیلئے اسے ایڈیٹ کیا ہوا ہے۔ یہ ویڈیو کسی پرتعیش کمرے میں خفیہ کیمرے سے فلم بند کی گئی ہے جس میں مرد اور خاتون نازیبا حرکتیں کرنے میں مصروف ہیں۔
معروف صحافی غریدہ فاروقی نے اپنے ٹویٹ میں کہا ہے کہ مسلم لیگ (ن) کے رہنما محمد زبیر نے اس ویڈیو کو جعلی اور doctored قرار دیا ہے۔ وہ ویڈیو کی تحقیقات اور فرانزک آڈٹ کا ارادہ بھی رکھتے ہیں۔ انہوں نے کہا کہ وہ جلد ہی اس معاملے پر اپنا ردعمل دیں گے۔
a5befdf0afb4b28afd9e7cbb5e581b87ادھر اینکر منصور علی خان نے بھی کہا ہے کہ سوشل میڈیا پر ایک سیاسی شخصیت کے حوالے سے وائرل ویڈیو فیک ہے۔
ce5dcd5c7f6fc1d397bf3b13af7420be