زلفی بخاری نے خفیہ دورہ اسرائیل کی خبروں کو جعلی قرار دیدیا

اہم خبریں پاکستان 
 
زلفی بخاری نے خفیہ دورہ اسرائیل کی خبروں کو جعلی قرار دیدیا
کیپشن: زلفی بخاری نے خفیہ دورہ اسرائیل کی خبروں کو جعلی قرار دیدیا
سورس: فائل فوٹو

اسلام آباد: وزیراعظم کے قریبی دوست اور سابق معاون خصوصی برائے اوور سیز پاکستانی زلفی بخاری نے ایک مرتبہ پھر اسرائیل کا خفیہ دورہ کرنے کی خبروں کو جعلی قرار دیدیا۔

زلفی بخاری نے ان دعوؤں کو مسترد کرتے ہوئے کہا کہ 'مذاق کی بات یہ ہے کہ پاکستانی اخبار 'اسرائیلی نیوز ذرائع' کی بنیاد پر کہہ رہا ہے کہ میں اسرائیل گیا جبکہ اسرائیلی اخبار 'پاکستانی ذرائع' کی بنیاد پر کہہ رہا ہے کہ میں نے اسرائیل کا دورہ کیا، تعجب ہے کہ یہ خیالی پاکستانی ذریعہ کون ہیں'۔

مہنگی بجلی مزید مہنگی کردی گئی

انہوں نے کہا کہ 'بظاہر صرف میں وہ شخص تھا جو کسی الزام سے بچا ہوا تھا'۔

زلفی بخاری کے علاوہ وزیر اعظم کے فوکل پرسن برائے ڈیجیٹل میڈیا ارسلان خالد نے بھی ان دعوؤں کو مسترد کیا۔

انہوں نے کہا کہ 'زلفی بخاری نے گزشتہ سال واضح کیا تھا کہ انہیں کبھی حکومت نے اسرائیل نہیں بھیجا، یہ اسرائیل ۔ بھارت ۔ پاکستان جعلی نیوز پیڈلرز کا نیٹ ورک بہت بورنگ اور قابل پیش گوئی ہو رہا ہے'۔

سگریٹ جیسی غیر ضروری اشیاء پر ٹیکس کو بین الاقوامی معیار کے برابر لایا جائے:تھنک ٹینک

انہوں نے میڈیا سے بھی مطالبہ کیا کہ وہ تھوڑی سنجیدگی کا مظاہرہ کریں اور جعلی خبروں کو فروغ نہ دے۔ آخری مرتبہ جب یہ پروپیگینڈا کیا گیا تھا تو زلفی بخاری نے نہ صرف اسے مسترد اور قانونی نوٹس بھیجا تھا بلکہ اسے رپورٹ کرنے والے ادارے مڈل ایسٹ مانیٹر نے معذرت بھی کی تھی'۔

خیال رہے کہ گزشتہ سال دسمبر میں انہوں نے اسی طرح کی رپورٹس مسترد کی تھیں اور دعویٰ کیا تھا کہ نومبر میں مبینہ دورے کے وقت ڈپٹی کمشنر راولپنڈی کے ساتھ تھے۔

شبلی فراز اور عمر ایوب نے میری عمران خان سے ملاقات نہیں ہونے دی، پی ٹی آئی مردہ گھوڑا بن چکی تھی اسے اٹھایا اب مجھے ہی پیچھے کردیا گیا: شیر افضل مروت

نجی چینل کی رپورٹ کے مطابق اس وقت ان افواہوں کا اس نیوز رپورٹ کے بعد آغاز ہوا تھا جس میں دعویٰ کیا گیا تھا کہ وزیر اعظم کے معاون خصوصی نے امریکا سے دورے کی منظوری کے بعد نومبر 2020 میں تل ابیب ایئرپورٹ پر اسرائیلی حکام سے ملاقات کی تھی۔

رپورٹ میں دعویٰ کیا گیا تھا کہ برطانوی پاسپورٹ رکھنے والے نامعلوم مشیر کو اسرائیل کی وزارت خارجہ لے جایا گیا جہاں انہوں نے متعدد سیاسی عہدیداران اور سفارت کاروں سے ملاقات کی اور پاکستان کے وزیر اعظم کا پیغام ان تک پہنچایا۔ چونکہ زلفی بخاری برطانوی شہری بھی ہیں اس لیے سوشل میڈیا پر کئی افراد نے یہ قیاس آرائی شروع کردی کہ یہ رپورٹس ان سے متعلق ہیں۔

بیٹی پیدا کرنا جرم بن گیا، شوہر نے کلہاڑیوں اور ڈنڈوں سے تشدد کر کے بیوی سمیت 3 خواتین اور 4 افراد زخمی کر دیے

یہ معاملہ عبرانی اخبار 'اسرائیل ہایوم' میں نیوز رپورٹ شائع ہونے کے بعد آج ایک مرتبہ پھر منظر عام پر آیا، جس میں اسلام آباد کے نامعلوم ذرائع کا حوالہ دیتے ہوئے مبینہ دورے کا ذکر کیا گیا ہے۔

ہاریتز اخبار کے اَوی اسکارف نے کہا کہ رپورٹ کے مطابق زلفی بخاری نے انٹیلی جنس ایجنسی موساد کے سربراہ یوسی کوہن سے ملاقات کے لیے اسرائیل کا دورہ کیا۔

ان کا کہنا تھا کہ نیوز رپورٹ میں 'اسلام آباد کے ذرائع' کا حوالہ دیا گیا ہے اور اسے اسرائیلی ملٹری سینسر کی اجازت کے بعد شائع کیا گیا ہے۔

شمالی افغانستان کے شہر فیض آباد میں دھماکے میں 3 پولیس اہلکار ہلاک، 6  زخمی