پاکستان پر حملہ کرنے سے پہلے دشمن کو دو بار سوچنا ہو گا، مہاتیر محمد

پاکستان پر حملہ کرنے سے پہلے دشمن کو دو بار سوچنا ہو گا، مہاتیر محمد
جے ایف 17 تھنڈر طیارے کی کارکردگی بہت زبردست ہے، مہاتیر محمد۔۔۔۔فائل فوٹو

کولاالمپور: ملائیشیا کے وزیر اعظم مہاتیر محمد پاک فوج اور پاکستانی لڑاکا طیارے جے ایف 17 تھنڈر کے مداح نکلے۔  ملائشیا کا ایک ٹی وی انٹرویو میں کہنا تھا کہ پاکستان آرمی بہت مضبوط ہے اور حملہ آور کو منہ کی کھانی پڑے گی۔


انہوں نے کہا کہ پاکستانی میزائل ایٹمی ہتھیار بھی لے جا سکتے ہیں اور پاکستان پر حملہ کرنے سے پہلے دشمن کو دو بار سوچنا ہوگا۔

ان کا کہنا ہے کہ پاکستان اب جہاز بنانے کے قابل ہے اور جے ایف 17 تھنڈر طیارے کی کارکردگی بہت زبردست ہے جن کی نمائش بھی کی گئی۔

ڈاکٹر مہاتیرمحمد کا کہنا تھا کہ مجھے معلوم تھا کہ پاکستان اپنے جہاز ہمیں فروخت کرنا چاہے گا اگر پاکستان ایک یا دو جہاز ہمیں دے تاکہ ہم انہیں اڑا کر دیکھیں۔

یاد رہے کہ گزشتہ دنوں ملائیشیا کے وزیراعظم ڈاکٹر مہاتیر محمد 3 روزہ دورے پر پاکستان پہنچے تھے جہاں وہ یوم پاکستان کی پریڈ کے مہمان خصوصی تھے۔ ڈاکٹر مہاتیر محمد نے پریڈ کے بعد جے ایف 17 تھنڈر کا معائنہ کیا بھی کیا تھا۔