شیخوپورہ،مریدکے جی ٹی روڈ سادھوکی کے قریب ٹریفک حادثے میں پانچ افراد جاں بحق اور 12 زخمی ہوگئے ۔ ٹریفک حادثہ تیز رفتاری کے باعث ہوا ۔
تفصیلا ت کے مطابق شیخوپورہ روڈ پر سادھوکی کے قریب تیز رفتار بس ٹرالر سے ٹکرا گئی ۔ حادثے میں بس الٹ گئی جس سے پانچ افراد دم توڑ گئے ۔
ریسکیو ذرائع کا کہنا ہے کہ حادثے کی اطلاع ملنے کے کچھ ہی دیر بعد جائے وقوعہ پر امدادی کام شروع کردیئے گئے تھے ۔ تاہم حادثے کے باعث پانچ افراد موقع پر دم توڑگئے اور 12 زخمی ہوئے جن کو طبی امداد کے لئے تحصیل ہسپتال شیخوپورہ پہنچا دیا گیا ۔
عینی شاہدین کاکہنا ہے کہ بس صادق آباد سے سیالکوٹ جارہی تھی جو تیز رفتاری کے باعث ٹرالر سے ٹکرا گئی ۔ حادثے کے وقت زوردار دھماکہ ہوا ۔
