شین وارن نے یاسر شاہ کی تعریفوں کے پل باندھ دیے

شین وارن نے یاسر شاہ کی تعریفوں کے پل باندھ دیے
فوٹو فائل

سڈنی: سابق آسٹریلین کرکٹر شین وارن نے قومی لیگ اسپنر یاسر شاہ کی تعریفوں کے پل باندھتے ہوئے مستقبل کے لیے نیک خواہشات کا اظہار کیا ہے۔


پاکستانی اسپنر نے نیوزی لینڈ کے خلاف پہلی اننگز میں 8 اور دوسری اننگز میں 6 وکٹیں لیتے ہوئے مجموعی طور پر 184رنز کے عوض 14وکٹیں حاصل کیں جس کی بدولت پاکستان نے میچ میں مہمان ٹیم کو اننگز اور 16رنز سے شکست دی۔

سماجی رابطوں کی ویب سائٹ ٹوئٹر پر اپنے پیغام میں کرتے ہوئے سابق مایہ ناز لیگ اسپنر شین وارن نے نیوزی لینڈ کے خلاف شاندار باؤلنگ اسپیل کرانے پر یاسر شاہ کی تعریف کرتے ہوئے کہا کہ پہلی اننگز میں زبردست باؤلنگ کراتے ہوئے بہترین اسپیل کیا، یہ بہت بہترین تھا۔ جب میں آپ کو اسپن کے جال میں پھنساتے ہوئے دیکھتا ہوں تو بہت خوشی ہوتی ہے، اس طرح صبر کے ساتھ باؤلنگ کرواتے رہو۔

شین وارن واحد کرکٹر نہیں جنہوں نے یاسر شاہ کی باؤلنگ کو سراہا بلکہ بھارت سمیت دنیا بھر کے کرکٹر اور ماہرین نے عمدہ اسپیل پر لیگ اسپنر کو سراہا۔

سابق بھارتی کرکٹر محمد کیف بھی یاسر شاہ کی تعریف کیے بنا نہ رہ سکے اور انہیں مبارکباد دیتے ہوئے کہا کہ یاسر شاہ کے عمدہ اسپیل کے آگے کیوی بلے بازوں کے پاس آوٹ ہونے کے علاوہ کوئی راستہ ہی نہیں تھا۔