پاکستان کا اعزاز ، مارشل آرٹس ماسٹر راشد نسیم نے نیا ریکارڈ بنا دیا

پاکستان کا اعزاز ، مارشل آرٹس ماسٹر راشد نسیم نے نیا ریکارڈ بنا دیا
فائل فوٹو

لاہور، مارشل آرٹس ماسٹر راشد نسیم نے مکوں سے 62 کلے سپورٹنگ ٹارگٹ توڑ کر پاکستان کا نام روشن کردیا ۔ انہوں نے ایک منٹ میں 62 کلے سپورٹنگ ٹارگٹ توڑے اس سے پہلے سابقہ ریکارڈ 40 کلے سپورٹنگ ٹارگٹ کا تھا ۔ گینز ورلڈریکارڈ کے حکام نے ای میل کے ذریعے ماسٹر راشدنسیم کے نئے ریکارڈکی تصدیق کردی  ہے ۔ 

مارشل آرٹس ماسٹر راشد نسیم  نے کہا کہ اللہ کا شکر ہے کہ ان کی گیم کی بدولت پاکستان کا نام ہوا ۔ انہوں نے کہا کہ میں آئندہ بھی ریکارڈبنانا چاہتا ہوں لیکن میں سات ماہ سے بیروزگار ہوں  اوراب مزید ریکارڈ بنانا مشکل ہوگیا ہے ۔ انہوں نے حکومت سے تعاون کی اپیل کی ہے اور کہا ہے کہ اگر حکومت ان کی مدد کرے تو وہ پاکستان کے لئے مزید ریکارڈقائم کرسکتے ہیں ۔ حکومتی سرپرستی کے بغیر ان کے لئے ریکارڈبنانا مشکل ہوتا چلا جارہا ہے ۔