میلبورن: سابق سپیڈ سٹار اور راولپنڈی ایکسپریس شعیب اختر کے گھٹنے کا کامیاب آپریشن ہوگیا ہے اور وہ تیزی سے صحتیاب ہورہے ہیں۔
آپریشن سے قبل انہوں نے سماجی رابطوں کی ویب سائٹ ’ٹوئٹر‘ پر جاری کردہ ایک ویڈیو پیغام میں اپنے مداحوں اور کرکٹ کے دلدادہ افراد سے اپیل کی تھی کہ وہ ان کے آپریشن کی کامیابی کے لیے دعا کریں۔
Time to go under the knife!
— Shoaib Akhtar (@shoaib100mph) August 28, 2019
Keep me in your prayers. Ready for the knee operation.
Wish me luck :) pic.twitter.com/kfLvzihgbp
دائیں گھٹنے کے آپریشن کے بعد دنیائے کرکٹ میں راولپنڈی ایکسپریس کے نام سے سابق ٹیسٹ کرکٹر نے اپنے پیغام میں کہا کہ وہ کچھ تکلیف محسوس کررہے ہیں لیکن اللہ تعالیٰ کا شکر ہے کہ ان کا آپریشن بالکل ٹھیک اور کامیاب ہوا ہے۔
سابق ٹیسٹ کرکٹر کے مطابق انہیں بالکل ٹھیک ہونے میں دو سے تین ہفتے لگیں گے۔ انہوں نے ایک مرتبہ پھر اپنے چاہنے والوں سے درخواست کی کہ وہ ان کی جلد اور مکمل صحتیابی کے لیے دعا کریں۔شعیب اختر کا اس سے قبل بائیں گھٹنے کا بھی آپریشن ہوچکا ہے۔