ڈیرا بگٹی میں سوئی میں کالعدم تنظیم کے اہم کمانڈر نے ہتھیار ڈال دیے

ڈیرا بگٹی میں سوئی میں کالعدم تنظیم کے اہم کمانڈر نے ہتھیار ڈال دیے

کوئٹہ:بلوچستان کے ضلع ڈیرہ بگٹی کے علاقے سوئی میں کالعدم تنظیم کے اہم کمانڈر لعل دین بگٹی نے اپنے چھ ساتھیوں سمیت ہتھیار ڈال دیے ۔


سرکاری ذرائع کے مطابق کمانڈر لعل دین بگٹی نے اپنے ہتھیار قبائلی رہنما میرعطاء اللہ کلپربگٹی اور ایف سی حکام کے حوالے کیے، ہتھیاروں میں چار ایس ایم جی رائفل،ایک بارہ بور بندوق، تین سو سے زائد گولیاں اور دیگر اسلحہ شامل ہے۔

اس موقع پر کمانڈر لعل دین بگٹی کا کہنا تھا کہ ہم بھٹکے ہوئے تھے اور ہمیں ملک دشمنوں کی طرف سے ورغلایا گیا، قومی دھارے میں شامل ہوکر ہم بھی ملک قوم کی ترقی میں اپنا کردار ادا کریں گے، اس موقع پر ایف سی حکام نے کہا کہ ہم راہ راست پر آنے والے فراریوں کو دل سے خوش آمدید کہتے ہیں