لاہور: پاکستان مسلم لیگ (ن) پنجاب کے صدر رانا ثنااللہ نے کہا ہے کہ شریف برادران کے علاوہ بھی پارٹی میں وزارت عظمی کے امیدوار موجود ہیں۔آرمی چیف آرمی چیف کی توسیع کا فیصلہ وزیراعظم ہائوس کرے گا، ہم مخالفت یا رائے نہیں دیںگے۔
نیوز ایجنسی این این آئی کے مطابق نجی ٹی وی سے گفتگو کرتے ہوئے رانا ثناء اللہ نے کہا کہ وزارت عظمی کےلئے نواز شریف اور شہباز شریف کا میرٹ بنتا ہے تو دیگر سینئر لیگی رہنمائوں کیلئے ڈاکٹر نے پرہیز تو نہیں لکھا، عمران خان کا سڑکوں پر آنے کا بیان اپوزیشن کے لئے نہیں ہے۔
رانا ثناء اللہ کا کہنا تھا کہ شاہد خاقان عباسی نے وزیراعظم بننے سے 10 مرتبہ انکار کیا تھا۔ حکومت کے اتحادی چاہتے ہیں چوہدری پرویز الٰہی کو وزیراعلی بنادیں۔ چوہدری پرویز الٰہی تو وزیراعلی بننے کیلئے تیار ہیں لیکن یہ مسلم لیگ (ن)کو زیب نہیں دیتا۔انہوں نے اعتراف کیا کہ عدم اعتماد کیلئے نمبرپورے نہیں ہیں تاہم پاکستان تحریک انصاف اوراس کے اتحادی 22،23اراکین پارلیمنٹ رابطے میں ہیں۔
انہوں نے کہا کہ پاکستان مسلم لیگ (ن) سے رابطے کرنے والے ٹکٹ کا مطالبہ کرتے ہیں۔ عمران خان کا سڑکوں پر آنے کا بیان اپوزیشن کے لئے نہیں ہے،عمران خان کوشک ہے کہ جن لوگوں نے ان کومسلط کیا ہے وہ ہی ان کونکالناچاہتے ہیں۔
