راولپنڈی: بھارتی فوج کی جانب سے لائن آف کنٹرول (ایل او سی) کے علاقے رکھ چری سیکٹر میں شہری آبادی کو اپنی بلااشتعال فائرنگ کا نشانہ بنایا۔
پاک فوج کے شعبہ تعلقات عامہ (آئی ایس پی آر) کے سربراہ میجر جنرل بابر افتخار کی جانب سے ٹویٹ میں بتایا گیا ہے کہ بھارتی فوج کی جانب سے رکھ چری سیکٹر میں کی جانے والی فائرنگ سے 3 شہری زخمی ہو گئے جن میں دو خواتین بھی شامل ہیں۔
میجر جنرل بابر افتخار کا کہنا تھا کہ زخمی ہونے والے شہری اکھوری گاؤں کے رہائشی ہیں۔ پاک فوج نے بھارتی فوج کی بلا اشتعال فائرنگ کا منہ توڑ جواب دیا۔