ایناپولس: امریکی ریاست میری لینڈ میں واقع ایک اخبار کے دفتر میں ایک شخص کی اندھادھند فائرنگ کے نتیجے میں 5 افراد ہلاک جبکہ 20 سے زائد زخمی ہو گئے۔ پولیس کے مطابق فائرنگ کا واقعہ ریاست میری لینڈ کے علاقے ایناپولس میں اخبار ’کیپیٹل گزٹ‘کے نیوز روم میں پیش آیا۔
ea80b91946600503b0eab533c7393441
فائرنگ کرنے والے حملہ آور کو بھی حراست میں لے لیا گیا جس کی شناخت 38 سالہ جیروڈراموس کے نام سے ہوئی۔ ملزم نے نیوز روم میں ہینڈگن سے اندھادھند فائرنگ کی جس کے قبضے سے اسموک ہینڈ گرینیڈز بھی برآمد ہوئے۔
واقعے کے وقت عمارت میں 170 کے قریب افراد موجود تھے۔ رپورٹس کے مطابق ملزم کا اخبار 'کیپٹل گزٹ' سے دیرینہ تنازع تھا اور اخبار نے ملزم کے خلاف جولائی 2011 میں ایک مضمون شائع کیا تھا۔ 'کیپٹل گزٹ' کو گزشتہ روز سوشل میڈیا پر دھمکیاں بھی دی گئی تھیں۔
میری لینڈ کے گورنر لیری ہوگن نے ٹوئٹر پر اپنے پیغام میں کہا کہ وہ اس واقعے کے بعد شدید صدمے میں ہیں۔
bc5b69c3549d10f95cc6b95dfd6d962d
دوسری جانب امریکی صدر ڈونلڈ ٹرمپ کو بھی واقعے پر بریفنگ دی گئی۔ ٹرمپ نے اپنے پیغام میں متاثرین اور ان کے اہلخانہ کے لیے نیک خواہشات کا بھی اظہار کیا۔
5c9b16d98ca572ccc15f018f79558c76
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
