سڈنی : بال ٹیمپرنگ کیس میں ملوث آسٹریلوی کھلاڑی ڈیوڈ وارنر نے غلطی تسلیم کرلی۔انہوں نے کہا کہ مجھ سے غلطیاں ہوئیں جس سے کرکٹ کونقصان ہوا۔میں اپنی غلطی پرمعافی مانگتا ہوں اورذمے داری قبول کرتا ہوں۔آسٹریلوی اوپنر ڈیوڈ وارنر کا کہنا ہے کہ مجھےاندازہ ہے کہ کھیل کوکتنا نقصان پہنچا ہے۔
65b0be2f3735eef1bf9dd49487701a8d
یاد رہے کہ جنوبی افریقہ کے خلاف تیسرے ٹیسٹ کے تیسرے روز آسٹریلوی بلے باز کیمرون بین کرافٹ فیلڈ کے دوران بال ٹیمپرنگ کرتے ہوئے پکڑے گئے تھے جس کے بعد انہوں نے کپتان اسٹیون اسمتھ کے ہمراہ پریس کانفرنس کے دوران اعتراف جرم کیا۔آسٹریلین ٹیم کے چیف ایگزیکٹو کا کہنا تھا کہ بال ٹیمپرنگ کھیل کی روح کے منافی ہے اور ایسا ہونا آسٹریلین کرکٹ کے لئے مایوس کن ہے۔
یہ بھی پڑھیں:بال ٹیمپرنگ اسکینڈل، اسٹیو اسمتھ اور ڈیوڈ وارنر پر1سال جبکہ بین کرافٹ پر 9 ماہ کی پابندی عائد
جس کے بعد کرکٹ آسٹریلیا نے کپتان اسٹیون اسمتھ اور نائب کپتان ڈیوڈ وارنر پر ایک سال کی پابندی عائد کردی گئی جبکہ آسٹریلوی کرکٹر کیمرون بین کرافٹ پر9ماہ کی پابندی عائد کردی گئی۔ اسمتھ اوروارنر2سال تک کسی بھی سطح کی کرکٹ میں کپتانی نہیں کرسکیں گے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
