کورونا کے باعث مزید 57 افراد جاں بحق، مریضوں کی تعداد 64ہزار سے تجاوز کرگئی

کورونا کے باعث مزید 57 افراد جاں بحق، مریضوں کی تعداد 64ہزار سے تجاوز کرگئی

اسلام آباد:ملک میں ایک ہی دن میں کورونا وائرس سے ریکارڈ ستاون اموات ہو گئیں جس کے بعد جاں بحق افراد کی تعداد ایک ہزار تین سو سترہ تک پہنچ گئی ہے۔


نیشنل کمانڈ اینڈ آپریشن سینٹر کی جانب سے جاری کردہ اعداد و شمار کے مطابق گزشتہ چوبیس گھنٹوں کے دوران ملک بھر میں کورونا وائرس کے مزید 2 ہزار 636 کیسز رپورٹ ہوئے جس کے بعد ملک میں کورونا وائرس کے مریضوں کی تعداد 64ہزار سے تجاوز کرگئی ہے۔

پنجاب میں کورونا کے 22 ہزار 37، سندھ میں 25 ہزار 309، خیبر پختونخوا میں 8 ہزار 842، بلوچستان میں 3 ہزار 928، اسلام آباد میں 2 ہزار 15، گلگت بلتستان 662 اور آزاد کشمیر میں 223 کیسز رپورٹ ہوچکے ہیں۔

این سی او سی کے مطابق کورونا وائرس کے باعث سب سے زیادہ اموات خیبرپختونخوا میں ہوئیں جہاں 425 افراد جان کی بازی ہار چکے ہیں۔

سندھ میں 380، پنجاب میں 381، اسلام آباد میں 19، گلگت بلتستان میں 9، بلوچستان میں 41 اور آزاد کشمیر میں 5 افراد کورونا وائرس سے جاں بحق ہو چکے ہیں،اس کے علاوہ ملک بھر میں کورونا وائرس کے 20 ہزار 231 مریض صحت یاب بھی ہوچکے ہیں جبکہ چار سو چھیانوے مریضوں کی حالت تشویشناک ہے۔