لاہور: وزیراعظم عمران خان نے علیم خان کو تحریک انصاف وسطی پنجاب کی صدارت سے ہٹادیا۔
تفصیلات کے مطابق تحریک انصاف کے مرکزی سیکرٹری جنرل ارشد داد نے چیئرمین عمران خان کی منظوری سے پارٹی کی تنظیم نو کرتے ہوئے نئے عہدیداران کا اعلان کردیا ہے۔ سینئر رہنما اعجاز چوہدری کو مرکزی ایڈیشنل سیکرٹری جنرل کی ذمہ داری سونپ دی گئی ہے۔
غلام سرور خان کو مغربی پنجاب، انجینئر عطاء اللہ شادی خیل شمالی پنجاب اور عمر ڈار کو وسطی پنجاب کا صدر مقرر کیا گیا ہے۔ مرکزی سیکرٹری جنرل ارشد داد نے نئے قائدین کیلئے نیک تمناوٴں کا اظہار کرتے ہوئے کہا کہ تحریک انصاف نچلی سطح تک خود کو منظم کرے گی۔ عمرڈار کا تعلق سیالکوٹ سے ہے اور وہ چیئرمین یوتھ پروگرام عثمان ڈار کے بھائی ہیں۔
یاد رہے کہ اس سے پہلے علیم خان وسطی پنجاب کے صدر تھے۔
