نیب ریفرنس کیس   میں آصف زرداری کی بریت کی اپیل واپس لینے کی درخواست منظور

  نیب ریفرنس کیس   میں آصف زرداری کی بریت کی اپیل واپس لینے کی درخواست منظور

اسلام آباد ہائیکورٹ  میں آٹھ ارب سے زائد کی مشکوک ٹرانزیکشن  کے  نیب ریفرنس کیس   میں عدالت نے آصف زرداری کی بریت کی اپیل واپس لینے کی درخواست منظور  کرلی  ،آصف زرداری کی درخواست بریت گزشتہ سال نیب کورٹ نے مسترد کی تھی، 

تفصیلات کے مطابق جسٹس عامر فاروق اور جسٹس سردار اعجاز اسحاق نے کیس کی سماعت کی،فاروق ایچ نائیک کے معاون وکیل شیراز راجپر عدالت میں پیش ہوئے ،معاون وکیل نے موقف اختیار کیا کہ درخواست واپس لینا چاہتے ہیں  اجازت دی جائے،  احتساب عدالت کی کارروائی پر حکم امتناع بھی ختم کیا جائے۔عدالت نے درخواست واپس لینے کی استدعا منظور کرلی ۔  

واضح رہے کہ ہائیکورٹ نے احتساب عدالت کی کارروائی پر حکم امتناع جاری کیا تھا۔