اسلام آباد: سینئر صحافی حامد میر نے انکشاف کیا ہے کہ سابق وزیر اعظم عمران خان کی غیر اخلاقی ویڈیو جاری کرنے سے مریم نواز نے روکا تھا۔
سینئر صحافی حامد میر کا کہنا ہے کہ جب موجودہ حکومت آئی اور عمران خان کی ویڈیو ریلیز کرنے کے حوالے سے بات ہوئی اور وہ ویڈیوز جو رانا ثناء اللہ سمیت بہت سے لوگوں کو دکھائی گئیں تاہم مریم نواز نے ان ویڈیوز کو جاری کرنے سے روک دیا۔
کچھ عرصہ قبل مریم نواز کو پتہ چلا کہ ایک ویڈیو سامنے لانے کی تیاری ہو رہی ہے انہوں نے اس ویڈیو کو ریلیز کرنے سے روک دیا اب یہ کتنا عرصہ سامنے نہیں آئے گی پتہ نہیں ۔۔۔۔ pic.twitter.com/Dm6fgnBMLJ
— Hamid Mir حامد میر (@HamidMirPAK) September 29, 2022
سینئر صحافی نے مزید بتایا کہ نواز شریف جب وزیر اعظم تھے تو ان کے پاس بھی عمران خان کی غیر اخلاقی ویڈیوز لائی گئی تھیں لیکن انہوں نے بھی انہیں ریلیز کرنے سے منع کردیا تھا۔
واضح رہے کہ سینئر صحافی حامد میر کا گزشتہ روز کہنا تھا کہ عمران خان کی ایسی ویڈیوز آنے والی ہیں کہ لوگ توبہ توبہ کر اٹھیں گے۔
